Hjörtur Pálsson

Úr Sofendadansi:

Ung stúlka við opinn glugga

Vor! Þú kemur á móti mér allt í einu.

Allar raddir hvísla: ég vil, ég vil.

Já, þetta er líf: að laugast regninu hreinu

og langa til

að verða eins og vatnið í syngjandi ánum

sem vex og flæðir, en nemur þó aldrei stað

að dreyma um að opnast sem brumið á trjánum

en óttast það.

Hjörtur Pálsson er fæddur 5. júní 1941 og ólst upp í Fnjóskadal og á Akureyri. Búsettur í Reykjavík 1963-68 og Kópavogi frá 1968 að undanteknum 4 árum í Kanada, Danmörku og Færeyjum. Hann er kvæntur og á þrjár dætur

Hjörtur Pálsson var skáld Ritlistarhóps Kópavogs í Cafe Borg í október 2003

Bækur Hjartar Pálssonar 

Eftir Hjört liggur mikill fjöldi þýddra skáldsagna, m.a. eftir Isaac B. Singer, ævisögur og fræðirit sem of langt væri upp að telja hér. Bent skal á frekari upplýsingar um ritstörf hans á Bókmenntavefnum.