Kjartan Árnason
Kjartan Árnason fæddist 12. febr. 1959.
Haustar að
Nú smýgur skáldið
í anorakkinn sinn
hnébuxurnar og þykka sport
sokkana, gönguskó
setur harðfisklufsu í bakpokann
smjörklípu
og kakóflösku í ullarsokk
minnisblokk og blýant
Heldur til skógar að lesa
fölnuð blöð af greinum trjánna
yrkja litskrúð hrungjarnra laufa
inní angurblíð ljóð um fegurð
og dauða
ó þú einsemd
- þú hverfula líf!
Hikar við jaðarinn
Skógurinn fullur af skáldum
Hann er einn af frumkvöðlum Ritlistarhóps Kópavogs og orðaði kynningu upplestra hópsins í Gerðarsafni fyrstu árin:
"Kveðskap fyrir kvöldmat" enda fóru þeir fram kl. 17.00 - 18.00.
Ritverk Kjartans
Kjartan stofnaði sitt eigið forlag, Örlagið árið 1986
